7 aptekdə nöqsanlar aşkarlanıb
Səhiyyə Nazirliyinin Analitik Ekspertiza Mərkəzi qanunvericiliyə uyğun olaraq əczaçılıq müəssisələrində nəzarət yoxlamaları aparır.
Mərkəzdən Xeberlent.az-a verilən məlumata görə, 2024-cü il aprel ayı ərzində Bakı şəhəri üzrə 15, respublikanın digər şəhər və rayonlarında isə 35 aptek olmaqla ümumilikdə 50 aptekdə yoxlama aparılıb.
Aparılan yoxlamalar nəticəsində 7 aptekdə nöqsanlar aşkarlanıb. İnzibati Xətalar Məcəlləsinin 215.4, 452.3 maddələri üzrə protokollar tərtib edilib.
